Багшаа та бидний хүүхдүүдэд 40-80 минутын хичээлийн цагийг уур амьсгалын өөрчлөлт, дэлхий нийтийн нүүр тулаад буй сорилтуудыг ойлгуулахад зориулаарай

Бид дэлхий нийтээрээ уур амьсгалын хямрал болон бусад холбогдолтой сорилтуудтай тулгарч байна. Эдгээр асуудлуудыг шийдвэрлэхийн тулд зөвхөн бодит байдлыг хүлээн зөвшөөрөхөөс гадна, ирээдүйд бэлтгэж, тогтвортой шийдлүүдийг боловсруулж хэрэгжүүлэх боловсролын тогтолцоог бий болгох шаардлагатай. 2022 онд НҮБ-ын Боловсролыг өөрчлөх дээд хэмжээний уулзалт нь бүх шатны боловсролд өөрчлөлт хийх, суралцагчдыг уур амьсгалын хямралтай тэмцэхэд шаардлагатай мэдлэг, ур чадвар, зан үйлээр хангах шаардлагыг онцолсон.

Энэхүү уулзалтаас гарсан Залуучуудын тунхаглал нь уур амьсгалын боловсролыг тэргүүлэх чиглэл болгох, дасан зохицлыг бий болгох, нөлөөллийг бууруулах, уур амьсгалын шударга байдлыг хангах хэрэгцээг онцолж байна. Залуучууд боловсролыг зөвхөн мэдлэг олгох төдийгүй, уур амьсгалын өөрчлөлтийн эсрэг бодитой үйл ажиллагаа явуулах боломжийг олгох ёстой гэж үзжээ.

ЮНЕСКО уур амьсгалын өөрчлөлтийн боловсролыг тогтвортой хөгжлийн боловсролын чухал хэсэг болгон дэмжиж байна. Олон улсын хамтын нийгэмлэг уур амьсгалын өөрчлөлттэй тэмцэхэд боловсролын ач холбогдлыг хүлээн зөвшөөрдөг. НҮБ-ын Уур амьсгалын өөрчлөлтийн суурь конвенц, Парисын хэлэлцээр, Уур амьсгалын чадавхыг бэхжүүлэх хөтөлбөр (ACE) нь оролцогч талуудад боловсрол, мэдлэг олгох, чадваржуулахыг уриалж байна.

Боловсрол нь бүх насныханд уур амьсгалын өөрчлөлт, биологийн олон янз байдлын алдагдал, нөөц ашиглалтаас үүдэлтэй дэлхийн сорилтуудыг шийдэх боломжийг олгодог. Greening Education Partnership нь дижитал болон ногоон эдийн засгийн шилжилтэд зориулсан чадваруудыг олгох, тогтвортой эдийн засгийн хөгжлийг хангах зорилгоор улс орнуудыг дэмжиж байна.

Боловсролыг өөрчлөх дэлхийн амлалт хэрэгжиж, бүх боловсролын байгууллагууд уур амьсгалын хямралтай тэмцэх, тогтвортой ирээдүйг бий болгох шийдлүүдийг боловсруулж, суралцагчдыг бэлтгэх нөхцөлийг хангах боломжтой болно.

"Ирээдүйн уур амьсгал бидний гарт байна – Уур амьсгалын өөрчлөлт ба газар нутаг" гарын авлагыг Олон Улсын Уур Амьсгалын Боловсролын Оффис (OCE) багш нарт зориулж танилцуулсан бөгөөд сурагчдад уур амьсгалын өөрчлөлт ба газрын хоорондын харилцааг сонирхолтой, интерактив аргаар тайлбарлах боломжийг олгоно.

Гарын авлага нь хоёр үндсэн хэсэгтэй:

1. Бид ойлгоно: Уур амьсгалын өөрчлөлт, хүлэмжийн эффект, нүүрстөрөгчийн эргэлт, газрын ач холбогдол гэх мэт үндсэн ойлголтууд.
2. Бид үйлдэл хийнэ: Сурагчдыг уур амьсгалын өөрчлөлтөд дасан зохицох болон бууруулах төсөлд оролцохыг уриалсан үйл ажиллагаанууд.

Энэхүү гарын авлагыг ашигласнаар сурагчид уур амьсгалын өөрчлөлт, газрын нөөцөд үзүүлэх нөлөөллийг ойлгож, шинжлэх ухааны ур чадвар болон шүүмжлэлтэй сэтгэлгээ хөгжүүлэхэд тусална.

Бид энэхүү гарын авлагад тусгагдсан ээлжит хичээлүүдийг Монгол хэлнээ орчуулж багш нартаа хэрхэн хэрэглэх талаар мэргэжилтнүүдийн зөвлөмж видео хичээлүүд болон өмнө нь боловсруулагдаж байсан энэхүү агуулгыг дэмжих боломжтой бусад эх үүсвэрүүдийн хамт нэг платформд нэгтгэж оруулан багш танд хүргэж байна.

Citations:

• United Nations. (2022). UN Transforming Education Summit.
• UNESCO. (2022). Youth Declaration on Climate Education.
• UNESCO. (2023). Greening Education Partnership: Towards a Sustainable and Inclusive Future.
• Office for Climate Education (OCE). (2023). Our Future Climate in Our Hands – Climate Change and Land.